انتشرت حالة من الاستياء والغضب بين أهالي محافظة بورسعيد، عقب تداول إقدام مساعد مدرس وسكرتير في سنتر للدروس الخصوصية، على سلوك غير لائق مع الطلاب والأطفال.
واقعة التحرش بطلاب إعدادية في بورسعيد
وقال المدرس أحمد زكريا إنه متضامن مع أولياء الأمور في أي إجراء يتذوه بهذا الصدد، وذلك عقب تداول مقطع فيديو للمتهم والذي فوجئ بأفعاله غير اللائقة مع طلاب في المرحلة الإعدادية.
وتابع: أنا كنت متفاجئ زي أولياء الأمور لما شفت مقطع فيديو للسكرتير، وطبعًا اللي بيعلمه ده مرفوض تماما، ولو في إيدي أعمل حاجة عشان أسلمه للجهات الأمنية ويتحاسب هعمل كده.
وأضاف المدرس أن هناك بعض أولياء الأمور الذين خاضوا في سيرته وسمعته، حيث قالوا إنه كان على علم بما يفعله السكرتير مع الطلاب من أفعال غير لائقة، لافتًا إلى أن هذا الأمر غير صحيح.
واستكمل: أنا إنسان ليا بيت وأسرة ومينفعش اسمي يبقى مرتبط بواحد زي ده، لأنه كان بيشتغل في حوالي 5 وظائف قبل ما ييجي يشتغل عندي، فـ إزاي بعد السيرة الطيبة بتاعتي في شغلي وإني بعمل كل حاجة لمصلحة الطلبة يتم الخوض في سيرتي بهذا الشكل؟!
وأوضح المدرس أحمد زكريا أنه يعامل الطلاب كأبنائه، قائلًا: أنا شغلت الولد ده معايا عشان يساعدني في شغل طلاب المرحلة الإعدادية، وخلال فترة شغله معايا لمدة حوالي 5 شهور ملاحظتش عليه أي حاجة.
وأردف: أنا مشيت الولد ده من عندي بعد ما جالي البوست المنتشر عنه، وقراري كان فوري بطرده من الشغل خوفًا مني على طلابي البنات والولاد، لأني بعاملهم زي ولادي ومرضيش يحصل بيهم الحاجات البشعة دي.
