سيطرت حالة من الحزن على أسرة ربة المنزل قُتلت على يد شقيقها في مدينة المحلة الكبرى التابعة إلى محافظة الغربية؛ وذلك بسبب رفضها إعطائه مالًا لشراء علبة سجائر.
مقتل ربة منزل على يد شقيقها في المحلة
وقالت ابنة المجني عليها إن خالها المتهم كان يعيش على حساب والدتها، حيث أنها كانت تتولى مسؤولية الإنفاق عليه وتلبي كافة احتياجاته وطلباته.
وتابعت: أمي كانت فاتحة بابها لخالي رغم إنه كان بيضربها وبيهينها، كانت بتستحمل وتقول عشان خاطر عضم التربة لحد ما في الآخر موتها عشان علبة سجاير بـ 23 جنيها، أمي كانت بتأكله وبتصرف عليه وبتغسل هدومه وتعمله كل حاجة، ومكنش بيبقى معاها فلوس بس كانت بتتصرف عشان ميضربهاش.
وأضافت ابنة المجني عليها أن خالها تشاجر مع والدتها قبل ارتكابه الجريمة بيوم واحد لنفس السبب، معلقة: قبل ما يموتها بيوم كان بيتخانق معاها على نفس السبب قدامي، أمي حلفت وقالت له والله مش معايا غير جنيه في المحفظة.
وأوضحت أن خالها أنهى حياة والدتها ضربًا بواسطة آلة حادة كوريك؛ وذلك بسبب رفضها إعطائه مالًا لشراء علبة سجائر.
واستكملت: خالي لما خلص على أمي عمل كوباية شاي ونزل يشربها تحت البيت، سابها أكتر من ساعة لحد ما اتأكد إنه روحها طلعت وماتت، نفسي اسأله عمل فيها كده وهي اللي كانت شايلاه ومستحملاه.
