كشفت والدة الصغيرة سما البالغة من العمر 7 سنوات، تفاصيل تعرضها للسرقة بالإكراه على يد سيدة ونجلها، وذلك خلال عودتها من المدرسة في محافظة دمياط.
تفاصيل سرقة صغيرة بالإكراه في دمياط
وقالت والدة سما إن ابنتها كانت عائدة من المدرسة رفقة شقيقها الصغير، ثم توجهت لشراء بعض الحلوى من محل بجوار المنزل، وبعد ذلك تفاجأت بسماع صوت بكائها.
وواصلت: زوجي كان واقف في البلكونة شاف واحد دخل العمارة ومفيش 5 دقائق وطلع يجري، وفي نفس الوقت كنا سامعين صوت سما وهي بتعيط، وعشان يطمن عليها بعت أختها الكبيرة تشوفها حصلها إيه، وفجأة لقيناها هي كمان بتصرخ.
وأضافت والدة سما أنها خرجت من الشقة مسرعة على الفور للاطمئنان على ابنتها، حيث تفاجأت بقطع أذنيها وسرقة القرط الذهبي الذي كانت ترتديه.
واستكملت: نزلت أجري عشان أطمن على بنتي لقيتها بتصرخ وبتعيط، ولقيت ودانها الاتنين مقطوعين والحلق اللي كانت لابساه اتسرق، سما مكانتش قادرة تتكلم خالص وكانت مصدومة من اللي حصل.
وأوضحت والدة سما أنها توجهت على الفور إلى مركز الشرطة لتحرير محضر بالواقعة، ثم انتقلت بعد ذلك لأحد المستشفيات من أجل إسعاف ابنتها، وذلك نظرًا لأنها أُصيبت بـ 19 غرزة في أذنيها.
واختتمت حديثها: لما سألنا سما عن اللي حصل قالت إن فيه واحد كان راكب موتوسيكل وبيجري وراها، وبعدين خد الحلق من ودنها وجري، واكتشفنا بعد كده إن والدته كانت موجودة معاه في المنطقة ولما سرق الحلق خدها على الموتوسيكل وهربوا.
